Бөлүмдөр
Шейшемби, 24-апрель
Жалал-Абад

Таш-Көмүрдө 3 талапкер тең мэрликке өтпөй калышты

Turmush -  Таш-Көмүр шаарында бүгүн, 31-январда мэрди шайлоо болуп, ага 3 талапкер ат салышты. Шаар башчысын шайлоо эки тур менен өтүп, бирок бир да талапкер жетиштүү добуш топтой алган жок.

Таш-Көмүр аймактык шайлоо комиссиясынын төрагасы Токтомамат Тургунбаевдин айтымында, мэрди шайлоого 31 депутат тең катышты.

Шаар мэрин тандоодо биринчи турдан «Өнүгүү-Прогресс» партиясынан Колоев Тимур 11, «Кыргызстан» партиясынан көрсөтүлгөн Кубатбеков Шайлообек 10, КСДПдан көрсөтүлгөн экс-мэр Шамшарбек Чойбеков 7 добуш алган.

Талапкерлиги көрсөтүлгөн экс-мэр аз добуш алып калгандыктан экинчи турга катышкан жок. Бирок, экинчи турга ат салышкан 2 талапкер тең жетиштүү добуш топтой алган эмес. Тимур Колоев экинчи турда 3 добуш ашыкча топтосо, «Кыргызстан» партиясынан көрсөтүлгөн өкүл 7 добуш алган. Ал эми 10 депутат 2 талапкерге тең каршы добуш беришкен. Аны менен шаардын мэри шайланбай калды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2572
Көп окулду
×